Një kritik i fuqishëm teatri në Londër, i aftë të shkatërrojë karriera me fjalët e tij të pamëshirshme, njihet nga afër me Ninën, një aktore e cila kërkon dëshpërimisht vlerësimin e tij. Në një moment dobësie, ai e tërheq Ninën në një skemë të rrezikshme shantazhi, pasojat e së cilës nuk do të prekin vetëm këtë të fundit...
Një film që do t'ju ngjallë emocione të papritura dhe do t'ju mbajë në tension deri në fund! Një histori pasionante dhe misterioze, ku një individ, i mbërthyer në një botë virtuale, ndeshet me kufijtë e dashurisë dhe identitetit. Teksa lidhjet mes personazheve përshkruhen në një realitet të ndërlikuar, gjithçka që ata mendonin për botën dhe veten do të vihet në dyshim. A mund të ndodhin mrekulli kur gjithçka rreth teje është një iluzion? Përgatituni për një eksperiencë filmike që do t’ju lërë pa fjalë!
Një e re e humbur në një sërë lidhjesh të pakuptimta bie në dashuri me një burrë karizmatik dhe të ndjeshëm, i cili fsheh një sekret të errët që e kthen lidhjen e saj në një obsesion të rrezikshëm.
Një ribashkim para dasmës zbret në një makth psikologjik për një grup shokësh të kolegjit, kur një mysafir surprizë mbërrin me një valixhe misterioze që fillon të copëtojë grupin.
Pedington rikthehet në Peru për të vizituar tezen e tij të dashur Lusi, e cila tani banon në Shtëpinë e Arinjve në pension. Me familjen Braun nga pas, një aventurë emocionuese pason kur një mister i zhyt ata në një udhëtim të papritur.
Sherifi dhe Nazi, janë oficerë policie nga departamente të ndryshme, që bashkohen për të rrëzuar Tonyn, një mbret të pamëshirshëm droge që drejton një sindikatë përgjegjëse për vdekje të shumta, të njohura si Meth Killer.
Seong-jin, një dirigjent, dhe Su-yeon, një violonçeliste, janë të fejuar. Su-yeon zhduket, duke lënë pas një video. Mi-joo zëvendëson Su-yeon dhe nis një marrëdhënie sekrete me Seong-jin. Ata ndihen të vëzhguar ndërsa lidhja e tyre thellohet.
Denoncimi i thjeshtë i një mashtruesi të shitjeve online, çon në identifikimin e një vrasësi serial që shfrytëzonte shitjet në internet për të mashtruar, kërcënuar dhe vrarë viktimat e tij.
Një biznesmene e suksesshme dhe shumë me pushtet, rrezikon karrierën dhe familjen, duke nisur një lidhje të zjarrtë pasioni me praktikantin e saj shumë më të ri në moshë...
Agjenti i qeverisë amerikane Scott caktohet për të shpëtuar vajzën e një zyrtari të lartë qeveritar. Sado që Scotti është i gatshëm për të zbatuar rregullat, ai duhet t'i thyeje kur zbulon se të tjerët janë të gatshëm për të tejkaluar veten për të mbrojtur karrierën e tyre politike.
Një përrallë gotike fiksimi mes një gruaje të re të pushtuar, Elenit dhe vampirit të tmerrshëm të magjepsur pas saj. Ndërsa fuqia e tij rritet, Eleni duhet të sakrifikojë veten për të ndaluar sundimin e tmerrshëm të vampirit dhe të shpëtojë burrin e saj.
E shkuara e një ish oficeri xhandarmërie bëhet shkak i rrezikimit të jetës së tij dhe gruas së tij shtatzënë, e cila mbahet peng derisa të bashkëpunojë me pengmarrësit që punojnë për agjenturat e fshehta.
Polici i një qyteze të vogël dhe gruaja e tij janë duke vuajtur zhdukjen e djalit të tyre dhe gjendja vështirësohet kur fillojnë të ndodhin gjëra misterioze, të cilat i detyrojnë të largohen prej shtëpisë, por, misteri i vërtetë qëndron diku tjetër.
Ngjarjet ndodhin gjatë një stuhie, ku dy vëllezër kriminelë në arrati kërkojnë të fshihen në një shtëpi fshati të fshehtë. Pasi i marrin peng banorët nisin të zbulojnë se aty ka sekrete të errëta që fshihen.
Në Vigjilje të Krishtlindjes, një oficer sigurie në aeroport duhet të përballet me një prej çasteve më të tmerrshme të jetës, në të cilin rrezikohet jeta e tij dhe mijëra njerëzve prej një sulmi të planifikuar me detaje nga profesionistë të vërtetë.
Adam Lang, është një ish- kryeministër britanik dhe gjen strehë në një ishull në bregun lindor të SHBA gjatë një dimri, ku ai shkroi autobiografinë e tij. Kur këshilltari i tij vdes, një shkrimtar i dërgohet në ishull për ta ndihmuar atë për të përfunduar librin e tij.Shkrimtari “Anonim” hyn në një botë ku asgjë nuk është ashtu si duket dhe përfshihet në vorbullën e intrigave seksuale, politike dhe letrare.
Në momentin e tij më të vështirë, Uilli, gjendet përpara një mundësie të re për të punuar me një mik të vjetër, Markusin. Duke lënë mënjanë mllefin e vjetër, së bashku me të e me mamanë e tij, planifikojnë të rrëmbejnë paratë e mbledhura në qendrën "Qyteti dhuron". Por ky plan s'do të shkojë ashtu siç duan.
Një shërbim i thjeshtë në jurinë e një procesi gjyqësor, kthehet në një makth të vërtetë për njërin prej anëtarëve të jurisë, sepse është i vetmi që di sekretin e krimit të kryer në një natë Tetori me shi.
Në prag të një turneu të ri pas një viti shkëputje, një këngëtare e famshme e popit, fillon të përjetojë sekuenca të tmerrshme dhe të pashpjegueshme. E trembur dhe e lodhur prej trysnisë së famës së saj, i duhet të mendojë për të marrë në dorë kontrollin ndaj vetes dhe për të shpëtuar nga halucinacionet që po e përndjekin çdo çast.
